Төрийн үйлчилгээг иргэдэд хүртээмжтэй, түргэн шуурхай хүргэх зорилгоор Баянхошуу, Өнөр бүсэд E-Mongolia төрийн үйлчилгээний төв ажиллаж эхэллээ. Тус төвөөр дамжуулж иргэд төрийн үйлчилгээг цаг алдалгүй авах, цахим үйлчилгээг авч чадахгүй байгаа иргэд зөвлөгөө, тусламжийг ойроос авах боломж бүрдэж байна.
Энэ хүрээнд Инновац,цахим бодлогын байнгын хорооны дарга Н.Учрал тойргийнхоо иргэдийн санал, хүсэлт, хэрэгцээ шаардлагад тулгуурлан иргэддээ илүү ойртож Сонгинохайрхан дүүргийн Баянхошуу, Өнөр бүсэд E-Mongolia төвийг түшиглэж иргэдийг хүлээн авах танхим, бие төлөөлөгчийн газрыг нээжээ. Бие төлөөлөгчийн газраар дамжуулан иргэд эрхэм гишүүний хийж хэрэгжүүлж буй ажил, санаачилж буй хуулийн төслүүдийн талаарх мэдээллийг цаг алдалгүй авч, санал хүсэлтээ тусгах боломжтой.
Та бүхнийг E-Mongolia салбар болон Инновац,цахим бодлогын байнгын хорооны дарга Н.Учралын төлөөлөгчийн газраар үйлчлүүлж санал хүсэлтээ тогтмол илэрхийлж эргэх холбоотой ажиллахыг хүсье.
Баянхошуу бүс: Сонгинохайрхан дүүргийн 8 дугаар хороо, Мэдээлэл Холбоо Сүлжээний Баянхошуу төв
Бие төлөөлөгч:З.Одончимэг
Утас:89015066
Өнөр бүс: Сонгинохайрхан дүүргийн 16 дугаар хороо, Монголын цахилгаан холбоо ХК-ийн байр
Бие төлөөлөгч:О.Дуламдорж
Утас:91162113
