Nlive.mn

Ажлын байранд суурилсан сургалтыг дээд боловсролын тогтолцоонд нэвтрүүлнэ. Ингэснээр төгсөгчдийн хөдөлмөр эрхлэлтийг нэмэгдүүлэх боломжтой юм. Энэ хүрээнд өнөөдөр талууд нээлттэй хэлэлцүүлэг зохион байгуулж ХБНГУ, Франц, Румын, Грекийн их сургуулиудын туршлагаас хуваалцлаа. Гэхдээ дан ганц гадаад туршлагыг хуулбарлахаас илүү монголд улсын онцлог нөхцөлд тохирсон ажлын байран суурилсан жишиг сургалтын нэвтрүүлэх нь чухал болохыг талууд онцолж байна.

Дээд боловсролын чадавхыг бэхжүүлэх эрасмус плас төслөөс mongwbl хөтөлбөрийг хэрэгжүүлдэг. Энэ төсөл нь дээрх зорилгыг хангах чиглэлээр үйл ажиллагаа явуулдаг юм. Уг төслийг үр дүнтэй хэрэгжүүлснээр ажлын байранд суурилсан сургалттай холбогдох үндэсний бодлогын баримт бичгийг боловсруулж, хууль эрх зүйн орчныг бүрдүүлэх юм. Мөн ажлын байранд суурилсан сургалтын загвар хөтөлбөрийг их, дээд сургуулиуд хэрэгжүүлэх, их, дээд сургууль болон аж ахуйн нэгж байгууллагуудын түншлэлийг бэхжүүлэх замаар төгсөгчдийн хөдөлмөр эрхлэлтийг нэмэгдүүлэх, аж ахуйн нэгж байгууллага, их сургуулиудын түншлэлийг бэхжүүлэхэд шинэ жишиг тогтоох юм.

Сангийн сайд Б.Жавхлан НҮБ-ын Суурин төлөөлөгч Тапан Мишра болон НҮБ-ын төлөөллийг хүлээн авч уулзлаа. Тус уулзалтаар НҮБ-ын зүгээс 2023-2027 он хүртэл баримтлах НҮБ-ын Тогтвортой хөгжлийн хамтын ажиллагааны баримт бичгийг танилцуулсан бөгөөд Монгол Улсын тогтвортой хөгжлийн зорилтуудын индикаторыг хэрхэн сайжруулах, тус үйл ажиллагаатай холбоотойгоор стратеги боловсруулах, холбогдох байгууллагуудад танилцуулах талаар ярилцлаа. Мөн түүнчлэн, НҮБ нь ойрын хугацаанд Монгол Улстай хамтран “Үндэсний санхүүжилтийн нэгдсэн тогтолцоо”-г байгуулах талаар санал солилцсон бөгөөд тус үндэсний хөгжлийн бодлогыг боловсруулснаар төсвийн болон хувийн хэвшлийн санхүүжилтийн эх үүсвэрүүдийг тогтвортой хөгжлийн зорилтуудтай сайтар уялдуулах, түүнд чиглэсэн санхүүжилт, хөрөнгө оруулалтыг нэмэгдүүлэх, эрсдэлийг бууруулах замаар тогтвортой хөгжлийн зорилтуудтай хүрэх явцыг хурдасгах боломж бүрдэх юм.

Дэлхийн ойн өдрийг тохиолдуулан Байгаль орчин, аялал жуулчлалын яам санаачлан олон улсын байгууллагуудын дэмжлэгтэйгээр “Эх дэлхийгээ ирээдүйдээ өвлүүлье” нэг сарын аяныг зохион байгуулж байна.

Тус аяны хүрээнд ойн чиглэлээр сургалт эхэлдэг их, дээд сургуулийн оюутнуудын дунд “Оройн нахиа” эрдэм шинжилгээний хурал, “Том толгойт” хүүхдийн уран сайхны киноны дүрүүдтэй хамтарсан контент болон хөдөө орон нутаг, Улаанбаатар хотын алслагдсан дүүргийн тодорхой Ерөнхий боловсролын сургууль, хүүхэд хамгааллын төвүүдэд ажиллаж, сурагчдад байгаль эх дэлхий, ой мод, усаа хайрлан хамгаалах боловсрол олгох, мэдлэг мэдээлэл түгээх ажлыг санаачлан хийж байгаа билээ.

Тэгвэл Байгаль орчин, аялал жуулчлалын сайд Б.Бат-Эрдэнэ, НҮБ-ын Хүнс, хөдөө аж ахуйн байгууллагын Монгол дахь Суурин төлөөлөгч Винод Ахужа, Германы олон улсын хамтын ажиллагааны нийгэмлэг (GIZ)-ийн хэрэгжүүлж буй Spaces/Stream төслийн удирдагч Михаэл Трокенбродт нар өнөөдөр (2022.03.24) “Ид шидийн орон” хүүхэд хамгааллын төвийн Улиастайн шинэ эцэст байрлах хоёрдугаар салбарт зочилж, багачууд хүүхдүүдтэй уулзсан юм. Энэ үеэр зочид “Лантуун дохио” ТББ-ын төлөөлөлтэй уулзалт хийж, тус төвд хамрагдаж буй 8-13 насны 50 гаруй хүүхдүүдтэй ойн талаар ярилцаж, хүүхдүүдэд виртуал музей болон “VR” төхөөрөмжөөр Монгол орны байгалийн цогцолбор газар болон ойг үзүүллээ.

Түүнчлэн НҮБ-ын Хүнс, хөдөө аж ахуйн байгууллагаас бэлтгэсэн “Ойн тухай”, “Ой ба Ус” зэрэг танин мэдэхүйн баримтат киног үзүүлж сонирхуулав.  

“Ид шидийн орон” хүүхэд хамгааллын төв нь  

1. ХАМГААЛАХ ТӨВ -Хүчирхийлэлд өртсөн хүүхдийг хамгаалах, холбон зуучлах үйлчилгээ үзүүлэх. Хүчирхийлэлээс урьдчилан сэргийлэх мэдээлэл хүргэх таниулах болон боловсролын үйлчилгээ,
2. ХҮҮХЭД ХАРАХ ҮЙЛЧИЛГЭЭ -Сургуулийн өмнөх насны хүүхдүүдэд үзүүлэх боловсрол хүмүүжлийн үйлчилгээ, хөгжлийн бэрхшээлтэй хүүхдүүдэд зориулсан боловсрол хүмүүжлийн үйлчилгээ,
3. ӨДӨР ӨНЖҮҮЛЭХ БҮЛЭГ ~Сургуулийн бага болон дунд ангийн хүүхдүүдэд боловсрол хүмүүжлийн үйлчилгээ, спортын дугуйлан, сургуулийн өмнөх насныханд зориулж хүүхдийн цэцэрлэг,
4. “ӨСВӨР НАС” ТӨВ -Өсвөр насны хүүхдүүдэд зориулсан сэтгэл зүйн зөвлөгөө өгөх, Амьдрах ухаанд сургах төв, Боловсролын үйлчилгээний төв,
5. Номын сан, Эцэг эхийн боловсролын төв, Сайн хөрш хөтөлбөр зэргийг хэрэгжүүлж хотын захын гэр хорооллын хүүхдүүдэд аюулгүй тав тухтай, тохилог орчныг бий болгох, хүүхэд сурах, хөгжих, хүмүүжих, соёлжих нөхцөлөөр хангахаар зорин ажилладаг байна.

Шар буурцаг сумс нь Японд төдийгүй дэлхий даяар түгээмэл байдаг. Гэхдээ цөөхөн хүн Японы хоолны ариун нандин эртний гарал үүслийн талаар мэддэг.

Би эгц шатаар болгоомжтой өгсөж, Цүнэнори Каногийн араас түүний гэр бүлийн 180 жилийн түүхтэй шар буурцагны соус шар айрагны үйлдвэр болох Кадочогийн исгэх өрөөний дээврийн хөндийд орлоо. Шар буурцагны савны завсар тавьсан хуучин модон тавцан дээр миний гишгүүр шажигнахыг эс тооцвол харанхуй орон зай аймшигтай чимээгүй байв. Шар буурцагны соус одоо унтаа байсан, өвлийн сүүл сар байсан ч агаарыг анхилуун үнэрээр дүүргэсэн хэвээр байв.

Миний эргэн тойронд өтгөн, мөөгөнцөр дүүрэн царцдас таазыг бүрхэж, дам нуруунаас унжиж, ханыг ургасан. Долоо дахь үеийн шар айраг үйлдвэрлэгч Кано хэлэхдээ “Энэ бол барилга шиг хуучин бактери, мөөгөнцөр юм” гэж тэд жинхэнэ амтыг өгдөг. Би Вакаяма мужийн Кишү хойгийн баруун эргийн буланд оршдог Юаса хэмээх нам гүм боомтод япон хоолны ариун нандин шар буурцагны эртний гарал үүслийн талаар мэдэхийг эрэлхийлсэн юм. Шар буурцаг сумс бол Япон хоол хийх хамгийн чухал амтлагч юм. Тэнцвэртэй, давслаг, чихэрлэг амт, умамигийн гүн давхарга нь бараг бүх хоолыг илүү амттай, сэтгэл ханамжтай болгодог.

Түүний хэрэглээ нь суши дээр дарж идэхээс эхлээд гоймонтой шөл, шарсан төмс, түүнчлэн терияки зэрэг паалантай аяганы онцлох амтыг агуулдаг. 2017 онд Японы Соёлын агентлаг Юаса хотыг анх 13-р зууны сүүлчээр Японд хийсэн шар буурцагны соусын өлгий нутаг хэмээн Японы соёлын өвд бүртгэжээ.

Даваа гарагт 132 хүн тээвэрлэж явсан зорчигч тээврийн онгоц Тэншианы Молан тосгоны ойролцоох уулархаг газрыг мөргөж осолдсон.  Нутгийн иргэд Тэншянь хошууны Молан тосгоны аврах бүсэд мотоциклоор гэрэлтүүлгийн төхөөрөмжийг шилжүүлэхээр бэлтгэж байна. Голомт дахь аврах ажиллагаанд 2000 гаруй хүн нэгдэн ажиллаж байна.

Эх сурвалж:(Синьхуа/Лу Боан)

Зам, тээврийн хөгжлийн яам, Нийслэлийн Засаг Даргын Тамгын газар, Олон улсын тээврийн форум хамтран “Улаанбаатар хотын зорчигч тээврийн хүлэмжийн хийн ялгарлыг бууруулах арга замыг тодорхойлох нь” сэдэвт семинарыг 2022 оны гуравдугаар сарын 23-ны өдөр зохион байгуулж байна. Үйл ажиллагааг нээж Зам, тээврийн хөгжлийн яамны Төрийн нарийн бичгийн дарга С.Батболд, НҮБ-ын Хөгжлийн хөтөлбөрийн Суурин төлөөлөгч Илейн Конкиевич, Олон улсын тээврийн форумын нарийн бичгийн даргын ажлын албаны дарга Яри Кауппила нар үг хэлэв.

Зам, тээврийн хөгжлийн яамны Төрийн нарийн бичгийн дарга С.Батболд “Монгол Улсын хувьд Парисын хэлэлцээрийн хэрэгжилтийг хангах “Үндэсний тодорхойлсон хувь нэмэр”  бичиг баримтад хүлэмжийн хийн ялгарлыг 2030 гэхэд 22.7 хувь хүртэл бууруулахаар төлөвлөөд байгаа. Тэр дундаа тээврийн салбарын хүлэмжийн хийн ялгарлыг 2030 онд 35 хувь бууруулахаар төлөвлөн ажиллаж байна. Тээврийн салбарын хүлэмжийн хийн ялгарлыг бууруулахын тулд хийн, цахилгаан, хосолмол гэх мэт байгаль орчинд ээлтэй тээврийн хэрэгслийн тоог нэмэгдүүлэх, Евро-5 стандартын шатахуунд бүрэн шилжих, нийтийн тээврийн шинэ төрлийг нэвтрүүлэх зайлшгүй шаардлага гарч байгаа юм. Түүнчлэн нийслэлийн хэмжээнд хийсэн судалгаанаас харахад иргэд түгжрэлд нэг өдөрт 2.5 цаг, нэг жилд 35 өдрийг буюу түгжрэлийн улмаас нийт 2.7 их наяд төгрөгийн алдагдал хүлээсэн.

Зам, тээврийн хөгжлийн яам болон нийслэлийн удирдлага дээрх асуудлуудыг шийдвэрлэх арга замуудыг эрэлхийлэн буй энэ үед Олон улсын тээврийн форумаас “Улаанбаатар хотын тээврийн салбарын хүлэмжийн хийн ялгарлыг нийтийн тээврийг хөгжүүлэх замаар бууруулах судалгаа”-г тээврийн загварчлал дээр тулгуурлан хийж буй явдал цагаа олжээ.

Тус төслийн багийн судалгаанд амжилт хүсэж Олон улсын эдийн засгийн хамтын ажиллагаа, хөгжлийн байгууллага /OECD/-аас “Төв Ази болон Зүүн Өмнөд Азийн бүс нутгийг хамарсан НҮБ-ын тогтвортой хөгжлийн зорилт болон уур амьсгалын өөрчлөлтийн тухай Парисын хэлэлцээрийн хэрэгжилтийг хангахад улс орнуудын Засгийн газарт дэмжлэг үзүүлэх 4 жилийн хөтөлбөр” хэрэгжүүлж байгаа явдалд мөн талархал илэрхийлье” гэв.  Үүний дараа Нийтийн тээврийн газар  “Улаанбаатар хотын тээврийн систем”,  Хот төлөвлөлт, судалгааны институтээс “Хотын бүс, хүн ам, хэрэгжүүлж буй үйл ажиллагаа” сэдвээр танилцуулга хийлээ.  Тус семинар үргэлжилж байна.