Төрийн ордонд
08:00 цагт Засгийн газрын ээлжит хуралдаан болно.
10:00 цагт Монгол Улсын Ерөнхийлөгч Алдарт эхийн одон гардуулна.
9:30-14:00 цагт УИХ-ын Байнгын хороод хуралдана.
Туушин зочид буудалд
“Жижиг, дунд үйлдвэрийг дэмжих түншлэлийн уулзалт-2022” болно.
Шударга Өрсөлдөөн, Хэрэглэгчийн Төлөө Газрын байранд
09:00 цагт ШӨХТГ-т МИК-тэй холбоотой зах зээл дээр давамгай байдалтай аж ахуйн нэгж эсэхийг тогтоох асуудлыг хэлэлцэнэ. Үүнээс гарсан шийдвэртэй холбоотой асуудлаар С.Мөнхчулуун мэдээлэл өгнө.
Зэвсэгт хүчний 084 дүгээр ангид
9:30 цагт тус анги хүүхдүүдэд зориулсан нээлттэй хаалганы өдөрлөг зохион байгуулна.
Монголын Үндэсний Худалдаа Аж Үйлдвэрийн Танхимд
9:30 цагт Гадаадын ажиллах хүч, цахим виз, хөрөнгө оруулалт, хил орчмын аялал жуулчлалыг хөгжүүлэх талаар санал солилцох уулзалт болно.
11:00 цагт Жижиг, дунд үйлдвэрлэл эрхлэгчдэд зориулсан “КОВИД-ын дараах бизнесийг эрчимжүүлэх менежментийн хөтөлбөр” олон улсын сургалт эхэлнэ.
Хүнс, хөдөө аж ахуй, хөнгөн үйлдвэрийн яаманд
10:00 цагт “Дэлхийн сүүний өдөр”-ийн хэвлэлийн хурал болно.
Нийслэлийн иргэний танхимд
11:00 цагт Сүхбаатар дүүргийн Прокурорын газраас санаачлан ахлах ангийн сурагчдыг гэмт хэрэг, зөрчлөөс урьдчилан сэргийлэх зорилгоор зохион байгуулсан “Эергээр нөлөөлье” аяны хаалт болно.
Үндэсний мэдээллийн төвд
11:00 цагт Бат хааны түүхийг өгүүлэх Унгар-Монгол-Их Британы хамтарсан “1242 Gateway to the West буюу Барууны Хаалган Дээр” кинонд бага насны хүүхэд хүчирхийлсэн жүжигчин тоглуулах гэж байгааг эсэргүүцэн “Махаан пикчерс ХХК”-ийн хуульч хэвлэлийн хурал хийнэ.
“Q Art Gallery”-д
11:00 цагт “Playtime-2022” наадмын хэвлэлийн хурал болно.
Шонхор Тауэрт
11:00 цагт Ардчилсан Намын 4/11 мэдээллийн цаг болно.
Спортын төв ордонд
11:00 цагт пауэрлифтингийн ДАШТ-ээс медаль хүртсэн баг тамирчид болон дэлхийн дээд амжилт тогтоосон Хөдөлмөрийн баатар, гавьяат тамирчин Э.Содномпилжээ, ОУХМ Б.Чимэдцэрэн нар хэвлэлийн хурал хийнэ.
Авлигатай Тэмцэх Газрын төв хаалганы гадна
11:00 цагт Монголын Залуучуудын холбооны Удирдах хороо, Хариуцлагын хороо, Гүйцэтгэх хорооноос хэвлэлийн хурал хийнэ. Тус хурлаар 2017-2022 оны хооронд тус холбооны Ерөнхийлөгчөөр ажилласан А.Мөнхбат, О.Гэрэлт-Од нар нь төв холбоог их хэмжээний өр төлбөр буюу 3.2 тэрбум гаруй төгрөгийн өрөнд оруулсан талаар мэдээлнэ.
Нийслэл хотод дулааны шугамын засвар шинэчлэлийн ажил үргэлжилж байна. УБДС ТӨХК-аас гурав дахь удаагийн зогсолт буюу 12 хоног дулааны шугамд засвар хийх байршлыг нийтэд мэдээллээ.
Тодруулбал 2022 оны зургаадугаар сарын 2-14-ний хооронд СОТ-3 салаа Говь-1, Вокзал, Наранбулаг, Төмөр замын эмнэлэг, Богд-Ар хороолол, төмөр зам орчим, 2, 3, 4, 6 дугаар бичил хороолол, “Өргөө” кинотеатр, Хөгжил хотхон, Төв гандан хийд, Эх нялхсын эрүүл мэндийн төв, МҮОНРТ орчмын хэрэглэгчдийн халуун усыг хязгаарлана.
Засварын үеэр дулааны шугам тоноглол болон хэрэглэгчийн дулааны оруулгад ээлжит засвар үйлчилгээ, нягтын шахалт хийх юм байна.
Засгийн газрын ээлжит хуралдаан өнөөдөр болж байна.
Хуралдаанаар,
Хуралдаанаас гаргасан шийдвэрийн талаар эргэн мэдээлэх болно.
Япон Улсын Засгийн газар 2022 оны зургаадугаар сарын 10-ны өдрөөс эхлэн аялал жуулчлалын компанийн шугамаар ирэх бүлэг жуулчдад аялал жуулчлалын виз олгохоор шийдвэрлэв. Эхний ээлжинд Монгол, АНУ, БНСУ зэрэг 98 улсын бүлэг жуулчдад аялал жуулчлалын виз олгох бөгөөд аялал жуулчлалын компаниар дамжаагүй хувийн шугамаар ирэх гадаадын жуулчдад виз олгохгүй юм.
Тус улс 2022 оны зургаадугаар сарын 1-ний өдрөөс эхлэн нэг өдөрт хүлээн авах гадаадын иргэдийн хязгаарыг 10 мянгаас 20 мянга болгон нэмэгдүүлэхээр шийдвэрлээд байна гэж ГХЯ-наас мэдээллээ.
Олон улсын энхийг сахиулагчдын өдөр, монгол цэрэг энхийг дэмжих ажиллагаанд оролцож эхэлсний 20 жилийн ойн цэргийн ёслолын жагсаал жанжин Д.Сүхбаатарын талбайд боллоо.
Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх жагсаалыг нээж үг хэллээ. Тэрбээр “Эрхэм хүндэт энхийг сахиулагч цэнхэр дуулгатан дайчид аа!
Эрхэм хүндэт зочид оо!
Та бүхэнд Олон улсын энхийг сахиулагчдын өдөр, Монгол цэрэг энхийг дэмжих ажиллагаанд оролцож эхэлсний түүхт 20 жилийн ойн баярын мэндийг өргөн дэвшүүлье.
2002 онд Монгол Улс цэргийн ажиглагч анхны хоёр офицероо Бүгд Найрамдах Ардчилсан Конго Улсад Энхийг дэмжих ажиллагаанд илгээснээс хойш 20 гаруй мянган цэрэг, дайчдаа хүн төрөлхтний энх тайван, аюулгүй байдлын төлөө үйлсэд оролцуулж, монгол цэрэг Дэлхийн цэрэг боллоо.
Энэ нь манай улс, Зэвсэгт хүчний түүхэнд алтан үсгээр бичигдэн үлдэж байна.
Энхийг дэмжих ажиллагаанд цэрэг эрсээ оролцуулах нь манай улсын хувьд цоо шинэ бодлого, зорилт бас томоохон сорилт байлаа. Үүнийг Монгол төрийн нэгдмэл бодлого, төрийн байгууллагуудын хамтын хүчин чармайлт, цэрэг дайчдын маань идэвх зүтгэлээр богино хугацаанд амжилттай хэрэгжүүлж чадсаныг баярын энэ өдөр бахархан тэмдэглэхэд таатай байна.
Манай улс өнөөдөр цэрэг хандивлагч орнуудын дотор энхийг сахиулагчдын тоогоор 24 дүгээрт, эмэгтэй энхийг сахиулагчдын тоогоор 17 дугаарт жагсаж байгаа нь Монгол Улс энхийг эрхэмлэгч орон болохын бодит баталгаа болж байна.
Монгол Улс нь Бүгд Найрамдах Сьерра Леон Улс, Төв Африкийн Бүгд Найрамдах Улс, Бүгд найрамдах Өмнөд Судан Улс, Бүгд найрамдах Ардчилсан Конго Улс, Бүгд найрамдах Ардчилсан Баруун Сахар Улс, Холбооны Бүгд Найрамдах Ардчилсан Этиоп Улс, Эритрей Улс, Бүгд Найрамдах Гүрж Улс, Бүгд Найрамдах Косово Улс, Бүгд Найрамдах Йемен Улс зэрэг гурван тивийн 10 гаруй улсад цэргийн ажиглагчаас хүчний командлагчийн орлогч, мотобуудлагын салаанаас батальон хүртэл хүчийг сурган бэлтгэж, энхийг сахиулах ажиллагаанд үе шат, бодлого зохион байгуулалттайгаар оролцон, бахдам сайхан амжилт үзүүлсэн юм.
Манай Улс Бүгд Найрамдах Ирак Улсад явагдсан “Иракийн эрх чөлөө” ажиллагаанд цэргийн баг, Исламын бүгд Найрамдах Афганистан Улс дахь “Тогтвортой эрх чөлөө”, “Олон улсын аюулгүй байдлыг хангах хүчин”, “Шийдвэртэй дэмжлэг” ажиллагаануудад Артиллерийн сургалтын хөдөлгөөнт баг, Нисдэг тэрэгний техник, засвар үйлчилгээний сургалтын бүлэг, цэргийн хамгаалалтын багуудыг илгээж, дайны дараах сэргээн босголт, хүмүүнлэгийн үйл хэрэг, бүс нутгийн аюулгүй байдлыг тогтворжуулахад үнэтэй хувь нэмэр оруулсныг онцлон тэмдэглэж байна.
Өнөөдөр Монгол Улсын Зэвсэгт хүчнээс НҮБ-ын Энхийг сахиулах ажиллагаанд жил бүр 900 орчим цэргийн алба хаагч үүрэг гүйцэтгэж байгаа нь манай улсын хүн амын тоо, Зэвсэгт хүчний чадавхтай харьцуулахад харьцангуй өндөр үзүүлэлт юм.
Эх орныхоо нэр хүндийг дэлхий ертөнцөд дуурсган, эх дэлхийн энх тайван, хүн төрөлхтөний амар амгалан, аз жаргалтай амьдралыг цогцлоох ариун үйлсэд нэр төртэй зүтгэж байгаа энхийг сахиулагч нартаа ард түмнийхээ нэрийн өмнөөс Төрийн тэргүүн, Зэвсэгт хүчний Ерөнхий командлагч чин сэтгэлийн талархал илэрхийлье.
Монгол Улс Энхийг дэмжих ажиллагаанд оролцох нь олон улсын хамтын нийгэмлэг болон энхийг эрхэмлэгч улс орнуудтай харилцаа, хамтын ажиллагааг хөгжүүлэх, улс орныхоо аюулгүй байдлыг улс төр, дипломатын аргаар хангах, төрийн цэргийн шинэчлэлийн бодлогыг эрчимжүүлэх, цэргийн сургалт, бэлтгэлийг олон улсын жишигт хүргэх зэрэг гадаад, дотоод бодлого, цэрэг, улс төр, эдийн засгийн өндөр ач холбогдолтой юм.
Монгол цэрэг Энхийг дэмжих ажиллагаанд оролцсоноор Монгол Улсын гадаад харилцаа, хамтын ажиллагаа улам бүр өргөжин тэлж байна.
Манай улс Энхийг сахиулах ажиллагаанд оролцсоноос хойш дэлхийн 52 улстай дипломат харилцаа нэмж тогтоосны зэрэгцээ мөнхийн хоёр хөрш ОХУ, БНХАУ болон АНУ, ХБНГУ, БНСУ, БНЭУ, БНТУ (Турк), БНФУ (Франц), Канад, Япон, Катар зэрэг гуравдагч хөрш оронтой батлан хамгаалах салбар дахь хамтын ажиллагаагаа улам бүр бэхжүүлэн, идэвхтэй хөгжүүлж байна.
Монгол цэрэг энхийг дэмжих ажиллагаанд оролцож эхэлсэн 20 жилийн хугацаанд бидэнтэй хамтран ажиллаж, сэтгэл харамгүй тусалж дэмжин, дэлхийн энх тайван, аюулгүй байдлын төлөө мөр зэрэгцэн зүтгэж ирсэн зорилго нэгт гадаадын анд нөхөддөө гүн талархал илэрхийлье.
Цэнхэр дуулгатан дайчид маань эрсдэлтэй бөгөөд хариуцлагатай үүргээ нэр төртэй гүйцэтгэхэд найдвартай ар тал нь болж, үр хүүхдээ өсгөн хүмүүжүүлж, ар гэрээ авч явах ачааны хүндийг үүрч, ёс суртахууны өндөрлөгт ямагт байдаг Та бүхний хань ижил, үр хүүхэд, төрөл төрөгсдөд баярын мэнд хүргэж, чин сэтгэлийн талархал дэвшүүлье.
Даян дэлхийн энх тайван, аюулгүй байдлыг сахин хамгаалах ариун үйл хэрэгт гар бие оролцон төр, түмнийхээ өмнө хүлээсэн үүргээ нэр төртэй биелүүлж байгаа нийт цэнхэр дуулгатан дайчид Та бүхэндээ Олон улсын энхийг сахиулагчдын өдрийн баярын мэндийг дахин дэвшүүлж, ажлын амжилт, эрүүл энх, аз жаргал, хамгийн сайн сайхан бүхнийг хүсэн ерөөе.
Монгол цэргийн яруу алдар мандан бадрах болтугай” гэсэн юм. р
Насанд хүрсэн хүний нэг өдрийн сахрын хэрэглээг 25 грамм хэмээн Эрүүл Мэндийн Яамны (ЭМЯ) зөвлөмжид заасан байдаг. Хүүхдийн баярт зориулан багцалсан нэг уут бэлэгт ойролцоогоор 412 грамм сахар агуулагдаж байгаа нь дээрх хэрэглээнээс даруй 16 дахин их юм.
Сахрын агууламж өндөртэй хүнсний бүтээгдэхүүнийг нэг дор их хэмжээгээр хэрэглэхэд хүүхдэд цатгалан мэдрэмж төрүүлэн хоолны дуршлыг бууруулдаг. Улмаар шим тэжээллэг хоол хүнс идэхээс дургүйцэх, зөвхөн чихэрлэг хүнсний бүтээгдэхүүнийг идэх дуршилтай болж, шүдний өвчлөлд өртдөг.
Иймд эцэг эхчүүд та бүхэн хүүхдэдээ бэлэг сонгохдоо сахрын агууламж өндөртэй хүнсний бүтээгдэхүүн худалдан авахаас аль болох татгалзахыг уриалж байна. Худалдаанаас ууттай бэлэг сонгож буй тохиолдолд багцалсан хүнсний бүтээгдэхүүний хадгалах хугацаа, чанар, аюулгүй байдал нь алдагдсан эсэхийг шалгаж авахыг зөвлөж байна.
Эх сурвалж: Мэргэжлийн Хяналтын Ерөнхий Газар
Жил бүрийн энэ үед эцэг, эхчүүдийн хамгийн их санааг зовоож, анхаарал хандуулдаг асуудал бол Элсэлтийн Ерөнхий Шалгалт. Суурь боловсрол эзэмшиж, ЕБС төгсөн их дээд сургуульд элсэх бэлтгэлээ базааж буй сурагчдын завгүй өдрүүд үргэлжилж байна.
Яг энэ цаг үед “СИТИ” Их сургуулиас ЭЕШ өгөх хүүхэдтэй эцэг, эхчүүдэд хандан зөвлөгөө гаргажээ. Хичээлдээ анхаарал хандуулж буй хүүхэдтэйгээ хэрхэн хамтран ажиллах талаарх зөвлөгөөг эцэг, эхчүүд та бүхэнд хүргэж байна. Шалгалтад амжилт үзүүлэх нь зөвхөн хүүхдээс бус танаас ч хамаарна гэдгийг тэд анхааруулан зөвлөжээ.
1. Чиглүүл, тусал
Хүүхэдтэйгээ үр дүнтэй зөв яриа өрнүүлж, чиглүүл. Та хүүхдийнхээ сэтгэлзүйд эерэг нөлөө үзүүлж, стресс бухимдлаас хол байлган, цагаа зөв зарцуулахад нь туслаарай.
2. Цагаа удирдахад нь тусал
Математикаа анхаарах, уран зохиолдоо санаа зовох, англи хэлээ давтах, монгол хэлээ судлах, шалгалтад бэлдэх, ирээдүйгээ төлөвлөх гэх мэт ачаалал огцом нэмэгдэнэ. Та тэдэнд туслахын тулд долоо хоног, өдөр, цагаар нь хуваарь гаргаж, үр дүнтэй хичээл давтахад нь чиглүүлээрэй.
3. Дэмж, урамшуул
Хүүхдийнхээ чадаж байгаа зүйлийг чин сэтгэлээсээ дэмжиж, сайхан үгээр урамшуулан магтаарай. “Чиний ирээдүй энэ шалгалтаас хамаарна”, “Хэрвээ чи мөрөөдөлдөө хүрэхийг хүсэж байгаа бол шалгалтаа сайн өгөх ёстой” гэх мэт хөндий, албархаг үгээс зайлсхийж “хамгийн сайнаараа л ажилла”, “Энэ бол зүгээр л шалгалт, миний хүүгийн/охины ирээдүй хичээл зүтгэлээс л шалтгаална” гэх мэт үгсийг ашиглаарай.
4. Хариуцлага бүү үүрүүл
“Шалгалтад хангалттай оноо авбал” гэх зэргээр ямар нэг зүйл амлах нь тэдэнд том дарамт гэдгийг санаарай. Хангалттай оноо авахгүй байсан ч бид үргэлж дэргэд чинь байна гэдгийг мэдрүүлж, илүү анхаарал хандуулаарай. Мөн өөртөө итгэлтэй, тайван, нухацтай байхыг зөвлөж, хэт их ачаалал, хариуцлага үүрүүлэхгүй байхыг хичээгээрэй.
5. Орчин, нөхцөлийг бүрдүүлж өг
Хэдий та чухал ажилтай байсан ч аль болох хойш тавьж хүүхдийнхээ шалгалтад бэлтгэх орчин нөхцөлийг нь гэртээ бүрдүүлж, шаардлагатай сургалтад хамруулж, зөвлөгөө мэдээлэл өгөх хүмүүстэй холбож, хэрэгцээт зүйлсийг бэлдэж өгөөрэй.
Төв талбайд
10:00 цагт Дорноговь аймгийн Даланжаргалан сумын 108-н-уурхайг эсэргүүцэж буй малчдын төлөөлөл, ИТХ-ын даргатайгаа хамт өнөөдөр ҮАБЗ-д хандахаар мэдээлэл хийнэ.
Төрийн ордны А танхимд
10:00 цагт УИХ дахь МАН, АН-ын бүлгийн хуралдаан болно.
14:00-15:30 цагийн хооронд Эрүүгийн хэрэг хянан шийдвэрлэх тухай хуулийн нэмэлт өөрчлөлтөөр прокурорын зөвшөөрөлгүйгээр мөрдөгч иргэдийг дуудаж байцаах нэрээр өрөөнийхөө үүдэнд хэдэн цаг, өдрөөр суулгадаг байдаг эргэн ирэх гэж байна. Энэ хүрээнд хүний эрхийг хумих хуулийн төслийн талаарх иргэдийн нээлттэй хэлэлцүүлгийг зохион байгуулна.
UB Grand зочид буудал, 17 давхарт
10:00 цагт Геронтологийн үндэсний төв , Эрүүл мэндийн яам “Эрүүл, идэвхтэй, оролцоотой насжилтын төлөө-хамтдаа ухуулга нөлөөллийн ажил”-ын үйл ажиллагааны хүрээнд Улаанбаатар хотын зургаан дүүргийн зорилгот бүлгийн 60-аас дээш настнуудын дунд зохион байгуулсан ахмад настны ээлтэй орчинг үнэлсэн судалгааны үр дүнг танилцуулна.
Монгол ньюс мэдээллийн төвд
11:30 цагт иргэн Д.Даваадорж 12 хүртэлх насны хүүхдийн бэлгийн хүчирхийллийн нөхцөл байдлын тухай болон “Positive networks” төслийн талаар мэдээлнэ.
12:00 цагт “Тавхан хором хүлээе” хүүхдийг зам тээврийн ослоос урьдчилан сэргийлэх төсөл 2 сарын хугацаанд амжилттай хэрэгжиж дууслаа. Төслөөс гарсан үр дүн цаашид хийгдэх ажлын талаар төсөл санаачлагч Зариг.мн болон дэмжигч байгууллагуудын төлөөлөл мэдээлэл хийнэ.
12:30 цагт Эх, үрсийн баярыг тохиолдуулан “Монгол хурандаа нийгэмлэг”-ээс эмэгтэй цэргийн алба хаагчид болон хүүхдүүдэд зориулсан хүндэтгэлийн ёслол зохион байгуулах талаар мэдээлнэ.
Хангарди ордны 14 давхарт
12:00 цагт Олон улсын хүүхдийн эрхийг хамгаалах өдөрт зориулан зохион байгуулах арга хэмжээ, хөтөлбөр, нэгдсэн зохион байгуулалтын талаар өнөөдөр мэдээлэл хийнэ.