Орос, Украины иргэдийг байлдааны бүсээс нүүлгэн шилжүүлэхийн тулд түр гал зогсоохоор тохиролцсон талаар Украины Ерөнхийлөгчийн зөвлөх Михаил Подоляк мэдэгджээ.

Талууд иргэдийг нүүлгэн шилжүүлэх хүмүүнлэгийн коридор байгуулахын тулд түр гал зогсооно гэж Украины төлөөлөгч мэдээлсэн байна.

Оросын “Interfax” агентлаг М.Подолякийн мэдээлснийг эш татан гал зогсоох дараагийн үе шатны хэлэлцээ ирэх долоо хоногийн эхээр Беларусьт болно гэдгийг уламжилжээ.

Даваа гарагт Украин-Беларусийн хилийн бүсэд болсон талуудын анхны хэлэлцээ тодорхой үр дүнд хүрээгүй бөгөөд хоёр дахь үе шатны энэхүү хэлэлцээг Беларусь-Польшийн бүсэд пүрэв гарагт хийсэн байна.

2001 онд анхны хувийн цэцэрлэг байгуулагдсан цагаас хойш өнөөдөр 481 хувийн цэцэрлэг үйл ажиллагаагаа явуулж байна. Сургуулийн өмнөх боловсролын хамран сургалтыг нэмэгдүүлэх чиглэлд байгууллагын цэцэрлэг байгуулах санаачилгыг дэмжин ажиллаж байгаа юм. Улсын хэмжээнд байгууллагын дэргэдэх 25 цэцэрлэг байна. Эдгээр байгууллагын 73 салбар бүлэгт 1893 хүүхэд цэцэрлэгт хамрагдаж байна. Цаашид цэцэрлэгт хамрагдаж чадахгүй байгаа хүүхдийг бүрэн хамруулахдаа төр, хувийн хэвшлийн түншлэлийн хүрээнд шийднэ.

Байгууллагын дэргэдэх цэцэрлэгийг хэрэгжүүлсэн “Тэсо” групп, Улсын II төв эмнэлэг зэрэг байгууллагын сайн туршлагыг өнөөдрийн зөвлөлдөх уулзалтын үеэр сонслоо. Улсын II төв эмнэлгийн тухайд өнгөрсөн онд 100 хүүхдийн ортой цэцэрлэгийг байгуулсан бөгөөд цаашид бүлгийн тоог нэмэгдүүлэхээр төлөвлөж байгаа аж. “Тэсо” группийн нийт ажилтны 60 хувь нь 2-5 настай хүүхэдтэй. Эдгээр ажилтнуудынхаа хүүхдийг цэцэрлэгт хамруулах үйлчилгээг байгууллагын дэргэдэх цэцэрлэгээр шийдвэрлэжээ. Үүний үр дүнд ажилтнуудын сэтгэл ханамж 9 хувиар нэмэгдсэн байна. Тэдний туршлагаас судлан Монос эмийн үйлдвэр, Сүү хувьцаат компани зэрэг хувийн хэвшлийнхэн байгууллагынхаа дэргэд цэцэрлэг байгуулахаар ажиллаж байгаа юм. Хувийн хэвшлийнхэн цэцэрлэг байгуулах туршлагаа харилцан ярилцаж, саналаа хэллээ.

Байгууллагын цэцэрлэгийг байгуулахад төрөөс:

• Мэргэжлийн удирдлага
• Нэг хүүхдэд ногдох хувьсах зардал
• Хүүхдийн хоолны зардал
• Мэргэжлийн багшаар хангах, багшийн мэргэжлийг дээшлүүлэх үйл ажиллагааны дэмжлэг үзүүлнэ.

Бага насны хүүхдийн цогц хөгжилд хувийн хэвшлийн байгууллагуудын оролцоо зөвлөлдөх уулзалтыг Боловсрол, шинжлэх ухааны яам, НҮБ-ын Хүүхдийн сан, МҮХАҮТ, IWFCI байгууллага хамтран зохион байгуулж, төр, хувийн хэвшлийн төлөөлөл оролцлоо.

Лондоны хөл бөмбөгийн “Челси” клубийн эзэн Роман Абрамович клубээ худалдахаар шийдсэн байна. Энэ тухай тус клубийн хэвлэлийн алба мэдээлжээ.

“Би үргэлж клубийнхээ ашиг сонирхлыг үндэс болгон шийдвэр гаргаж ирсэн. Одоогийн нөхцөлд клубийг зарах нь зөв сонголт гэж би бодож байна. Энэ нь клубийн хөгжөөн дэмжигчид, ажилчид, ивээн тэтгэгчид, түншүүдэд илүү дээр байх болно. Ийм байдлаар “Челси”-гээс хагацах нь миний хувьд маш хэцүү шийдвэр байлаа” гэж Абрамович хэлсэн байна.

““Стэмфорд Бриж”-д сүүлчийн удаа очиж, та бүхэнд өөрийн биеэр баяртай гэж хэлнэ гэж найдаж байна. “Челси”-гийн нэг хэсэг байх нь маш том завшаан байсан бөгөөд хамтын бүх амжилтаараа бахархаж байна. “Челси” болон түүний хөгжөөн дэмжигчид миний зүрх сэтгэлд үргэлж байх болно” гэж Абрамович нэмж хэлжээ.

Абрамович 2003 онд “Челси”-г 140 сая фунт стерлингээр (тухайн үеийн ханшаар 233 сая орчим ам.доллар) худалдаж авсан бөгөөд өмнөх эзэн нь Английн иргэн Кен Бейтс юм.

Абрамовичийн үед Челси таван удаа Английн аварга, Английн цомыг таван удаа хүртсэн бол, гурван удаа Английн лигийн цомын эзэн, хоёр удаа үндэсний супер цомын эзэн, хоёр удаа Аваргуудын лиг (2012, 2021) болон Европын лигийн (2013, 2019) аварга болжээ. 2021 онд УЕФА-гийн супер цом, клубүүдийн дэлхийн аварга болсон байна.

Эх сурвалж:ЛОНДОН. /TASS/

Европын Холбооны Ойрхи дорнод, Номхон далайн бүсийг хариуцсан захирал Жан Луи Виль тэргүүтэй төлөөлөгчид манай улсад айлчилж байна. Төлөөлөгчид МҮХАҮТ, Монгол-Европын ХАҮТ болон манай улсад хэрэгжиж буй төслийн кластеруудын төлөөлөлтэй уулзав. Тодруулбал, уулзалтад Европын Холбооны санхүүжилтээр 2017-2021 онд хэрэгжсэн Монголын Худалдааг дэмжих төсөл (ТRАМ)-ийн дэмжлэгээр байгуулсан экспортын бараа бүтээгдэхүүний 4 кластерийн төлөөлөл, “Монголын Экспортын кластер сүлжээ” ТББ-ынхан оролцож Европын Холбоо, Монгол Улс хооронд худалдааг дэмжих талаар хэрэгжүүлсэн өмнөх хамтын ажиллагаа, цаашид хийх ажлын талаар санал солилцлоо.

МҮХАҮТ-аас “Ноосон эдлэлийн гар урлалыг дэмжих” ТББ, Сарлагийн арьсны кластер, Гоо сайхны бүтээгдэхүүний кластер, Чацарганы кластерын төлөөллүүд 100 гаруй гишүүнийг төлөөлж ололт амжилт болон тулгарч буй бэрхшээлийн талаар санал бодлоо солилцож олон улсын кластерын сайн туршлагаас суралцах хүсэлтэй байгаагаа илэрхийллээ.

Европын Холбооны төлөөлөгчид Монгол Улс Generalised Scheme of Preferences (GSP+) тогтолцооны шаардлагуудыг хангаж бүрэн ашиг тусыг нь хүртэж буй 7 улсын нэг гэдгийг цохон тэмдэглэв. Монгол Улсын гадаад худалдаа хөгжиж буй энэ үед үйлдвэрлэлийг хөгжүүлж, төрөлжүүлэх, дэд бүтэц бий болгох шаардлага үүсч байгааг онцоллоо. Европын Холбоо GSP буюу Хөнгөлөлтийн ерөнхий системд Монгол Улсыг хамруулж 7200 гаруй нэр төрлийн бараа, бүтээгдэхүүнийг гаалийн татвараас чөлөөлөх хөнгөлөлтийг бий болгосон. Түүнчлэн худалдааг дэмжих хүрээнд ТRAM төсөл кластеруудын экспортыг дэмжиж чанарын стандартыг нэвтрүүлж байна. Тэр дундаа “Увсын чацаргана” газар зүйн заалтыг Европын Холбоонд бүртгэснээр хуурамч бүтээгдэхүүн борлуулахаас хамгаалж, ажлын байр бий болж, өрсөлдөхүйц үнэ тогтоох боломжтой болох зэрэг ач холбогдолтойг онцлон тодотгож байна.

Европын Холбооны төлөөлөгчид ТRАМ төслийн дараагийн үе шатыг хэрэгжүүлэхээр төлөвлөх шатандаа байгааг дуулгалаа. Мөн хамтын ажиллагааны шинэ боломжууд нээгдэхийг илэрхийлж ТRАМ төслийг хэрэгжүүлэхэд хамтран ажиллаж байгаа Монголын Үндэсний Худалдаа, аж үйлдвэрийн Танхимд талархал илэрхийллээ. Уулзалтын төгсгөлд төлөөлөгчид экспортын кластерын компаниудын бүтээгдэхүүнтэй танилцав.

Эх сурвалж:/МОНЦАМЭ/

Өвөрхангай аймаг нь 2022 оныг “Ногоон байгууламжийг нэмэгдүүлэх, орчны бохирдлыг бууруулах” жил болгон зарлажээ. Орчны бохирдлыг бууруулах үндэсний хорооны нарийн бичгийн даргаар ахлуулсан ажлын хэсэг ажиллаж эхэллээ. Салбарын тулгамдсан олон асуудал байгаагаас: Ойн ангиудын орон тоог нэмэгдүүлэхгүйгээр ажиллах нөхцөл бүрдэхгүй байна. Байгаль хамгаалагч нарын цалин, зэрэг дэв, албан тушаалын шатлал, ажлын байрны тодорхойлолтыг сайжруулах.

– Ус цаг уур орчны шинжилгээний газарт анхаарахгүй бол тоног төхөөрөмж хуучирсан, шинэ хөрөнгө оруулалт ойрын жилүүдэд хийгдээгүй, гамшгийн нөхцөл үүсвэл илүү эрсдэл үүснэ.

– Уул уурхайгаас үүдэн эвдэрсэн газар нутгийг нөхөн сэргээхгүй бол удаан хугацаанд хаягдсан байдалтай байгаа ба холбогдох аж ахуйн нэгжүүдийг олж нөхөн төлбөр гаргуулах шаардлагатай байгаа гэх мэт асуудлыг хөндлөө.

Монгол улсын хэмжээнд улсын тусгай хамгаалалттай газрын сүлжээнд болон орон нутгийн байгаль орчин, аялал жуулчлалын газрын харъяанд 1000 гаруй байгаль хамгаалагч ажиллаж Байгаль орчны салбарын 30 орчим хуулийн хэрэгжилтийг хангаж ажилладаг. Үүнээс улсын тусгай хамгаалалттай сүлжээнд орон тооны болон гэрээт 470 гаруй байгаль хамгаалагч ажилладаг бөгөөд эдгээрийн 67 орчим хувь нь дээд боловсролтой байдаг аж.

Байгаль хамгаалагчдын зэрэг дэв, цалин хангамж, нийгмийн хамгаалалын зэрэг олон асуудлуудыг эргэн харах, судлах, шийдвэрлэх шаардлагатай болсон байна.

Эдгээр асуудлыг шийдвэрлэхдээ зөвхөн байгаль хамгаалагчийг хувь хүн талаас нь бус “Байгаль орчны салбарын нэгж” хэмээн харж, цогцоор шийдвэрлэх шаардлагатай байгаа юм. Өөрөөр хэлбэл байгаль хамгаалагчдын ажлын нөхцлийг үүрэгтэй нь холбон шинээр тодорхойлох шаардлага гарч буй. Байгаль хамгаалагчид эзгүй хээр ганц гэрээрээ ч байрших нь бий тул гэр бүлийн нийгмийн асуудалд анхаарах, орлогыг нь нэмэгдүүлэх, амь нас, эрүүл мэндийг нь ч хамгаалах асуудал хөндөгдөнө.