Гэрт үйл ажиллагаагаа явуулдаг байсан Багануур дүүргийн 132 дугаар цэцэрлэг шинэ байртай боллоо.
40 жилийн түүхтэй тус цэцэрлэг нь өмнө нь гэрт үйл ажиллагаагаа явуулдаг байсан бөгөөд шинэ барилгатай болсноор багш, ажилчдын орон тоо болон хүүхдийн орны тоо нэмэгдэхээс гадна хүүхдүүд илүү тохитой, аюулгүй орчинд хичээллэх боломж бүрдэж байна.
Нийслэлийн 1.6 тэрбум төгрөгийн хөрөнгө оруулалтаар баригдсан тус цэцэрлэг нь 4 бүлэгт 100 хүүхэд хүлээн авах хүчин чадалтай, 23 багш ажилтантайгаар үйл ажиллагаагаа эхлүүллээ
