Улсын хэмжээнд энэ сарын 7-ны өдрийн байдлаар нийт 162,965 тн шатахууны нөөцтэй байгаагаас А-80 автобензин 11,579 тн, АИ-92 автобензин 50,098 тн, АИ-95 автобензин 3,106 тн, ДТ 95,447 тн байна. АИ-92, АИ-95 автобензиний 38 хоногийн, А-80 автобензиний 69, ДТ-ний 35 хоногийн, Улаанбаатар хотын хэмжээнд нийт 84,110 тн буюу АИ-92 автобензиний 32, АИ-95 автобензиний 29, ДТ-ний 43 хоногийн буюу хэвийн нөөцтэй байна.
Манай улс он гарсаар нийт 312.9 мян.тн газрын тосны бүтээгдэхүүн импортолсон. Үүнд А-80 автобензин 6.3 мян.тн, АИ-92 автобензин 117.0 мян.тн, АИ-95/98 автобензин 3.7 мян.тн, ДТ 155.7 мян.тн, онгоцны түлш 5.0 мян.тн, бусад бүтээгдэхүүн 25.2 мян.тн-ыг эзэлжээ.
Гуравдугаар сард нийт 59.7 мян.тн газрын тосны бүтээгдэхүүн захиалсан. Үүнээс 54 мян.тн-ыг импортлон авсан бол 5.7 мян.тн замдаа ачигдан ирж байгаа юм.
