Бүгд Найрамдах Турк Улсаас Монгол Улсад суугаа Онц бөгөөд бүрэн эрхт элчин сайд Зафер Атешийг хүлээн авч уулзлаа. “Дээд боловсролын салбарт хамтран ажиллах тухай” Боловсрол, шинжлэх ухааны яам, БНТУ-ын Дээд боловсролын зөвлөл хоорондын харилцан ойлголцлын санамж бичиг үр дүнгээ өгнө гэдэгт итгэлтэй байна.
Турк Улсын Засгийн газрын тэтгэлгээр жил бүр суралцдаг оюутны тоог цаашид нэмэгдүүлэх хүсэлтэй байгаагаа илэрхийллээ. Мөн энэ хичээлийн жилээс эхлэн ЕБС-иудад ажиллуулж байгаа сэтгэл зүйчийн өрөөг сургууль бүрт байгуулахад дэмжлэг үзүүлэх санал тавьлаа.
Монгол болон БНТУ хооронд сүүлийн жилүүдэд боловсрол, шинжлэх ухааны салбарт хамтын ажиллагаа өргөжин тэлж байна. Налайх дүүргийн МСҮТ-ийн гагнуурын анги байгуулсан, Мал аж ахуй, Биотехнологийн сургуульд хэрэгжүүлсэн “Малын уурагт тэжээл тариалах, тэжээл үйлдвэрлэх” төсөл хэрэгжүүлж байгаа,
Төв аймгийн Эрдэнэ сумын бага сургуулийн анги танхимыг тохижуулж, Техник, технологийн политехникийн коллежийн хоол, нарийн боов үйлдвэрлэлийн дадлагын газар, сургалтын орчны үйл ажиллагааг сайжруулах төсөл хэрэгжүүлсэн,
ШУТИС-ийн БуХС-ийн дэргэд “3 хэмжээст мэдээлэлзүй дизайн”-ы лаборатори байгуулсан, МУИС-ийн Хэрэглээний шинжлэх ухаан, инженерчлэлийн сургуульд Цахилгаан соронзонгийн лабораторид шаардлагатай тоног төхөөрөмж нийлүүлэх төсөл зэрэг хөтөлбөрүүдийг тус тус амжилттай хэрэгжүүлээд байна.
